Волгоград шәһәрендә Төбәк милли-мәдәни автономиясен гамәлгә кую җыелышы үтте
25 октябрьдә Волгоград шәһәрендә Волгоград өлкәсенең Төбәк татар милли-мәдәни автономиясе иҗтимагый оешмасының гамәлгә кую җыелышы булды. Җыелышта Дәүләт Думасы депутаты, Татар федераль татар милли-мәдәни автономиясе рәисе Илдар Гыйльметдинов, Волгоград өлкәсенең Милләтләр эшләре комитеты вәкилләре, җыелышны гамәлгә куюда катнашучылар һәм башкалар катнашты.
Волгоград өлкәсенең Төбәк татар автономиясе рәисе итеп бертавыштан Волгоград өлкәсе Светлоярск районы муниципаль Советы депутаты Булатов Әнвәр Әмин улы сайланды.
Шулай ук Волгоград өлкәсе мөфтие Ильяс хәзрәт Биктимеров белән очрашу узды. «Татар җәмәгатьчелеге һәм мөфтият Илдар Гыйльметдиновка комплексны Татар мәдәни үзәге буларак оештыруга ярдәм итү мәсьәләсе буенча мөрәҗәгать итте. Шулай итеп, без мәдәни мирасны саклап, музейлар, татар телен өйрәнү мәктәпләре оештыра һәм мәдәни чаралар үткәрә алачакбыз», - дип билгеләп үтте Әнвәр Булатов.