Идел буенда яшәүче яшь осталарның “Традицияләр һәм заманчалык” фестивале

Татар федераль милли-мәдәни автономиясе РФ Иҗтимагый палатасының “Дәүләт клубы” кадрлар әзерләү фонды үткәргән конкурста әлеге фестивальне үткәрү өчен грант откан иде.

Проектның партнерлары: ТР Яшьләр эшләре, спорт һәм туризм министрлыгы, ТР Президенты карамагындагы Мәдәниятне үстерүгә ярдәм күрсәтү фонды, «Мисс Татарстан» Иҗтимагый оешмасы, ТР Яшь эшкуарлар берлеге, «Артель» халык традицияләрен торгызу үзәге.

Фестиваль кысаларында үткәрелде:
• Идел Буе яшь модельерларының “ЭтноДар” конкурсы. Идел Буенда яшәүче төрле халыкларның үзенчәлекләрен исәпкә алып кием коллекцияләре булдыру.
• Кул эшләре күргәзмәләре, төрле һөнәргә өйрәтүче мастер-класслар, халык уен коралларында уйнарга өйрәтү дәресләре.
• Халык театрлары чыгышы, кыска метражлы фильмнар күрсәтү.
• Россиянең төрле төбәкләреннән җыелган танылган җырчылар катнашында Гала-концерт.

Проектта 200дән артык оста, 800дән артык тамашачы катнашты.
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования