Халыклар бердәмлеге көнендә оештырылачак телекүпер Сахалиннан алып Калининградка кадәр яшәүче ветераннарны берләштерәчәк
4 ноябрьдә, Халыклар бердәмлеге көнендә, Бөек Ватан сугышында Җиңүнең 75 еллыгына багышланган ел саен уздырыла торган “Хәтер вакыттан көчлерәк” дип исемләнгән 10 нчы Халыкара ветераннарны хөрмәтләү акциясе узачак.
Оештыручылар: Мәскәү шәһәренең милли-мәдәни автономиясе, Татарстан Республикасының Россиядәге Тулы вәкаләтле вәкиллеге, Татар федераль милли-мәдәни автономиясе, Мәскәү шәһәренең Милли сәясәт һәм төбәкара элемтәләр департаменты, Татарстанның Россиядәге Тулы вәкаләтле вәкиллеге каршындагы Яшьләр советы, РФ мөселманнары Диния нәзарәте, Россия Мөфтиләр шурасы, Милләтләр эшләре буенча федераль агентлык ярдәме.
4 ноябрьдә Мәскәү вакыты буенча 12:00 сәгатьтә телекүпер бөтен дөньядан 12 географик субъекттан, шул исәптән АКШ, Казахстан һәм Бердәм Гарәп Әмирлекләреннән рекордлы санда катнашучыларны берләштерәчәк. Россияне 9 шәһәр тәкъдим итә: акциягә Уфа, Казан, Ялта, Мәскәү, Пушкин, Чебоксар, Владивосток, Көньяк Сахалин һәм Нижневартовск шәһәрләре кушылачак.
Чара программасында: акциядә катнашучы шәһәрләр арасындагы телекүпер, ветераннар белән Zoom ярдәмендә аралашу, «Хәтер вакыттан көчлерәк» фильмын күрсәтү һәм дөньякүләм танылган гитарачы-виртуоз Валерия ДИДЮЛИ һәм татар студиясеннән популяр татар җырчылары катнашында бәйрәм онлайн-программасы булачак.
Волонтерлардан торган команда ветераннарга барачак, истәлекле бүләкләр тапшырачак һәм аларга тантаналы чараларда төп катнашучы - онлайн-трансляциядә катнашу мөмкинлеген булдырачак. Акциягә Мәскәү татарлары Автономиясе сайтында төрле илләрдән меңләгән тамашачы кушыла алачак. Чараның төп мәйданчыкларын трансляцияләү берьюлы өч тематик каналда күрсәтеләчәк: телекүпер һәм бәйрәм онлайн-программасы, «Хәтер вакыттан көчлерәк» фильмын күрсәтү, татар башкаручылары концерты. Трансляцияне Мәскәү татарлары автономиясе сайтында 4 ноябрьдә түбәндәге сылтама буенча карарга мөмкин: https://avtonomiya.tatar/psv/. Эфир язмалары трансляция тәмамланганнан соң да мөмкин булачак.
Акцияне оештыручылар “Бәйрәмнәр көннәрендә генә истә тотмыйбыз, без һәрвакыт рәхмәтле” девизы астында үзләренең өлкән буын турында көндәлек кайгырту кирәклегенә игътибарны җәлеп итү, ветераннарга ярдәм итү, аларның батырлыгына хөрмәт күрсәтү, шулай ук фаҗигале вакыйгаларны кабатламас өчен сугыш турындагы хәтерне саклау мөһимлеген актуальләштерү миссиясен күрәләр.
Чараның тантаналы өлеше түбәндәге адрес буенча узачак: Мәскәү, Кече Татар тыкрыгы, 8 йорт. Чара битлек режимы таләпләрен үтәп, социаль дистанция һәм аз санлы кунаклар катнашында узачак.